Гэвч бэлгийн эрүүл мэндийн эдгээр өөрчлөлтийн талаар эмэгтэйчүүд хань ижилтэйгээ ярилцаж, эмчийн зөвлөгөө авалгүй ганцаараа шаналж явсаар, улмаар бэлгийн хавьтлаас аль болох татгалзаж, дургүйцэх болдог. Даамжирсаар сэтгэл санааны тогворгүй байдалд ч хүргэнэ. Гэтэл биений юм ирэхээ больсон болохоос биш эмэгтэйчүүд харин ч жирэмслэх айдасгүйгээр бэлгийн илүү идэвхтэй амьдралтай байж, эрүүл, чанартай амьдралыг эдлэх бүрэн боломжтой.
Судлаачид эмэгтэйчүүдийн цэвэршилт болон цэвэршилтийн дараах бэлгийн үйл ажиллагааг судалж дараах дүгнэлтэд хүрчээ.
1. Ихэнх эмэгтэйчүүд цэвэрших болон түүний дараах үед бэлгийн харилцаагаа үргэлжлүүлсээр байдаг ба түүнээс сэтгэлийн таашаал авч чаддаг хэвээр байдаг.
2. Харин цөөн тохиолдолд цэвэрших явцад бэлгийн үйл ажиллагаа буурах хандлага ажиглагддаг.
3. Эстроген дааврын хэмжээ багассанаас үтрээ хуурайших нь бэлгийн үйл ажиллагаа буурах шалтгаан болдог.
4. Тестостерон ч бэлгийн үйл ажиллагаанд чухал үүрэгтэй. Тестостероны хэмжээ багасах нь эмэгтэйчүүдийн дур хүсэл буурахад нөлөөлдөг тул түүнийг нөхөх эмчилгээ хийж болох юм.
Иймээс бэлгийн хавьтал эмзэглэлтэй болох, бэлгийн дур хүсэл ерөнхийдөө буурч байгаа шалтгаануудыг зайлшгүй бодож тунгаагаад, чимээгүй шаналалгүй мэргэжлийн эмчид хандан, арга хэмжээ авах нь нэн чухал.
